Одржана обука за управување со безбедноста на локалната патна инфраструктура преку дизајн за безбедна патна инфраструктура

Во периодот од 07 – 08 мај 2025 во Хотел Александар Палас беше одржана обука за управување со безбедноста на локалната патна инфраструктура преку дизајн за безбедна патна инфраструктура, наменета за општински службеници. Претставниците на општините имаа прилика да се запознаат со добрите пракси за управување со безбедна брзина, примена на мерки и решенија за забавување на сообраќајот и контрола на брзина, дизајн на зони на училишта и безбедни рути до училишта, зона 30 и зона на смирен сообраќај, дизајн на локални патишта со мало сообраќајно оптоварување, дизајни на транзитни патишта низ населени места, дизајн на премини преку коловоз за ранливи учесници во сообраќајот, безбедно управување со сообраќајот во зони на работи на пат и проектирање на  сообраќајна сигнализација и опрема на патот. Обуката беше организирана од Министерството за транспорт преку проектот за поврзување локални патишта кој се реализира со заем Меѓународната банка за обнова и развој – Светска банка. Министерството за транспорт продолжува да ги зајакнува капацитетите на општините за управување со безбедноста на локалната патна инфраструктура.